Biju Joseph

ജനനം കാസർഗോഡ് ജില്ലയിൽ, പരേതനായ പയ്യനാട്ട് അപ്പച്ചന്റെയും മേരിക്കുട്ടിയുടെയും മകൻ. ബളാംതോട് ഗവ.ഹയർ സെക്കണ്ടറി സ്കൂളിൽ സാമ്പത്തിക ശാസ്ത്രം അധ്യാപകനായി സേവനമനുഷ്ഠിക്കുന്നു. ദേശീയ അധ്യാപകദിന സംസ്ഥാന കലോത്സവത്തിൽ കവിയരങ്ങിന് 4 വർഷം ജേതാവായിരുന്നു, പ്രഥമ കണ്ണൂർ സർവ്വകലാശാലാ കലോത്സവത്തിൽ മലയാളം കവിതാരചനക്ക് ഒന്നാം സ്ഥാനവും ലഭിച്ചു. 2015 ലെ ടി.എസ്. തിരുമുമ്പ് കവിതാപുരസ്കാരം ആദ്യ കവിതാ സമാഹാരമായ “കന്മരം” എന്ന കൃതിക്ക് ലഭിച്ചു.